გაკვეთილის გეგმა

გაკვეთილის მთავარი თემა	ყვავილი
საგანი/პედაგოგი	ბუნებისმეტყველება/მაია თავართქილაძე
სწავლების საფეხური/კლასი	დაწყებითი საფეხური/V კლასი
მოსწავლეთა პროფილი	25 მოსწავლე/განსაკუთრებული საჭიროებების მიდგომების მოსწავლეები არ არიან.
გაკვეთილის მნიშვნელობა/აქტუალობა	ü  მოსწავლეები შეძლებენ დააკვირდნენ და აღწერონ ყვავილის ძირითადი ნაწილები; ü  გაიგონ მათი ფუნქცია;
გაკვეთილის მიზანი და მისაღწევი შედეგები	ü  მოსწავლეები გაიგებენ, თუ რა ნიშნებით განსხვავდებიან ყვავილოვანები სხვა მცენარეებისაგან; ü   შეისწავლიან მცენარის ორგანოს აგებულებას; ü  გაიგებენ ყვავილის ძირითად ნაწილებს და ფუნქციებს; ბუნ.V.1.მოსწავლეს შეუძლია ყვავილოვანი მცენარის ძირითადი ორგანოების მათ ფუნქციებთან დაკავშირება. შედეგი თვალსაჩინოა, თუ მოსწავლე: ·      სვამს კითხვებს, იკვლევს და აანალიზებს, თუ რა ნიშნებით განსხვავდებიან ყვავილოვანები სხვა მცენარეებისგან; ·      ასრულებს ინსტრუქციებს, იყენებს შესაბამის ხელსაწყოებს (მაგ., ლანცეტი/დანა, გამადიდებელი ხელსაწყოები) მცენარის ორგანოების აგებულების  შესასწავლად, დაკვირვების შედეგებს წარმოადგენს ნახატის სახით; ·      იკვლევს ყვავილის ძირითად ნაწილებს  და მათ ფუნქციებს მცენარის გამრავლებას უკავშირებს; ·      მოცემული ინსტრუქციის მიხედვით იკვლევს, თუ რა საკვები წარმოიქმნება ფოთოლში მზის ენერგიის ხარჯზე;
წინარე ცოდნა	მოსწავლეებმა იციან: ყვავილის ძირითადი ორგანოები;       როგორ უკავშირდება ისინი ერთმანეთს;        რა სახის ყვავილები არის მათ ირგვლივ, მათ ეზოებში, მათი სკოლის ეზოში.
შეფასების საგანი და პროცედურები	მოსწავლეები შეფასდებიან საკლასო შეფასების რუბრიკით.
გამოყენებული სასწავლო მასალა და ტექნიკური რესურსი	სახელმძღვანელო _ ავტორი: ლ. შალვაშვილი, მ. მაჭავარიანი. საწერი კალამი, სამუშაო რვეული, ყვავილოვანი მცენარეები, ფოტოილუსტრაციები. ტექნიკური რესურსი: კომპიუტერი, პროექტორი.
გაკვეთილის მსვლელობა და მენეჯმენტი	საორგანიზაციო საკითხები _ 2 წთ; გაკვეთილის A ფაზა _ გამოწვევა აქტივობა 1 _ გონებრივი იერიშით წინარე ცოდნის გააქტიურება _ 3 წთ; აქტივობა 2 _ ვიდეოს ჩვენება „ყვავილოვანი მცენარეები“ _ 5 წთ. გაკვეთილის B ფაზა _ ცოდნის კონსტრუირება აქტივობა 3 _ საკლასო საუბარი _ 5 წთ; ვესაუბრები ბავშვებს, თუ როგორ წარმოიქმნება და სად წარმოიქმნება ყვავილი. ასევე თუ რა ნაწილებისაგან შედგება ის (ჯამის ფოთოლი, გვირგვინის ფურცელი, მტვრიანები, ბუტკო). აქტივობა 4 _ პრაქტიკული სამუშაო წყვილებში _ „ყვავილის აგებულება“ – 10 წთ; ბავშვებს წყვილებში ვურიგებ ყვავილოვან მცენარეს, სადაც ისინი ვიზუალურად არჩევენ ერთმანეთისაგან ყვავილის ნაწილებს; აქტივობა 5 _ მუშაობა სახელმძღვანელოზე _ 5 წთ. იხილეთ გაკვეთილი #11, გვერდი 30. გაკვეთილის C ფაზა _ რეფლექსია აქტივობა 6 _ განხილვა-მსჯელობა - 15 წთ; ბავშვები ისაუბრებენ იმაზე, თუ რა საერთო ნიშნები აქვს ყვავილოვანი მცენარეების ყვავილს. შეადარებენ მცენარეების: გოგრის, ზამბახის, შროშანის ყვავილის აგებულებას. საშინაო დავალება _ 3 წთ. მოიძიეთ ინფორმაცია: გაზაფხულის ფურისულა Primula Veris. გამოიყენეთ ვებ გვერდი: www.mkurnali.ambebi.ge